काठमाडौं, १६ कात्तिक । सोमबार नेपाली बजारमा सुनको मूल्य तोलामा २ हजार ३०० रुपैयाँले बढेको छ ।
नेपाल सुनचाँदी व्यवसायी महासंघका अनुसार आजका लागि सुनको मूल्य प्रतितोला २ लाख ७४ हजार ३०० रुपैयाँ कायम गरिएको छ । अघिल्लो दिन सुन प्रतितोला २ लाख ७२ हजार रुपैयाँमा कारोबार भएको थियो । अघिल्लो दिन सुनको मूल्य तोलामा ८ हजार ३०० रुपैयाँले घटेको थियो ।
त्यस्तै, चाँदीको मूल्य पनि आज तोलामा ७० रुपैयाँले बढेको छ । अघिल्लो दिन प्रतितोला ३ हजार ६५० रुपैयाँमा कारोबार भएको चाँदी आज ३ हजार ७२० रुपैयाँ कायम भएको महासंघले जनाएको छ ।
