कात्तिक, १४ काठमाडौँ । पत्रकार पक्राउको विरोधमा काठमाडौँको माइतीघर मण्डलमा पत्रकारहरूले प्रदर्शन गरेका छन्। नेपाल पत्रकार महासंघको आह्वानमा प्रदर्शन गरिएको हो।
पत्रकार पक्राउ, सञ्चारगृहमाथि धरपकड तथा न्युजरुममा सरकार र प्रहरीको हस्तक्षेप बढेको भन्दै महासंघले विरोध प्रदर्शन गरेको जनाएको छ।
प्रदर्शनमा सहभागी पत्रकारहरूले प्रेस स्वतन्त्रता र पत्रकारको पेसागत सुरक्षाको माग गर्दै सरकारसँग प्रश्न गरेका थिए।
प्रदर्शनमा नेपाल पत्रकार महासंघका पूर्ववरिष्ठ उपाध्यक्ष रमेश विष्ट, वरिष्ठ पत्रकार देवेन्द्र चुडाललगायतले सभालाई सम्बोधन गर्नुभएको थियो।
