काठमाडौं, १५ कात्तिक । नेपाली बजारमा आइतबार सुनको मूल्यमा ठूलो गिरावट आएको छ । एकैदिन सुनको भाउ प्रतितोला ८ हजार ३०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला दुई लाख ७२ हजार रुपैयाँ कायम भएको छ । अघिल्लो दिन सुन प्रतितोला दुई लाख ८० हजार ३०० रुपैयाँमा कारोबार भएको थियो ।
अन्तर्राष्ट्रिय बजारमा सुनको मूल्य उच्च दरले घटेपछि त्यसको प्रभाव नेपाली बजारमा परेको महासंघले जनाएको छ । गत वर्ष माघ १५ गते नेपाली बजारमा सुनको मूल्य प्रतितोला तीन लाख ३९ हजार रुपैयाँसम्म पुगेको थियो ।
त्यस्तै, चाँदीको मूल्य पनि प्रतितोला १७५ रुपैयाँले घटेको छ । अघिल्लो दिन तीन हजार ८२५ रुपैयाँमा कारोबार भएको चाँदी आज घटेर तीन हजार ६५० रुपैयाँ कायम भएको महासंघले जनाएको छ ।
