प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
इलाम । इलाम प्रहरीले ठूलो परिमाणमा गाँजासहित एउटा ट्रक नियन्त्रणमा लिएको छ। प्रहरीले इलाम नगरपालिका–९ भञ्ज्याङस्थित मेची राजमार्गबाट गाँजासहितको ट्रक नियन्त्रणमा लिएको हो। जिल्ला प्रहरी कार्यालय इलामका अनुसार बुधबार साँझ करिब ६ः३५ बजे प्रहरी चौकी गोलाखर्कबाट खटिएको प्रहरी टोलीले मेची राजमार्गमा चेकजाँचका क्रममा ना।४ ख ८९९६ नम्बरको फुलबडी ट्रक नियन्त्रणमा लिएको हो।
राजदुवाली सडकको अवस्थाका कारण ठूला सवारी साधनलाई कञ्चनजंघा सडकखण्डतर्फ डाइभर्सन गर्ने क्रममा ट्रक शंकास्पद देखिएपछि प्रहरीले रोक्न खोजेको थियो। प्रहरीका अनुसार ट्रक रोक्ने क्रममा चालकले ट्रक स्टार्ट अवस्थामै छाडेर फरार भएका थिए।
त्यसपछि जिल्ला प्रहरी कार्यालय इलामबाट प्रहरी निरीक्षक देवी दत्त मातेको कमाण्डमा खटिएको टोलीले ट्रकको खानतलासी गर्दा फल्स बटम बनाई त्रिपालले छोपेर बोरामा लुकाइराखेको अवस्थामा गाँजा फेला पारेको प्रहरीले जनाएको छ।
