प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
भदौ २७ गते । गैंडाकोटमा दुई वटा बस एकआपसमा ठोक्किँदा १८ जना घाइते भएका छन्।
गैंडाकोट नगरपालिका–१२, हर्कपुरस्थित पूर्व–पश्चिम राजमार्गमा शनिबार बिहान करिब ६ः५० बजे दुर्घटना भएको हो।
प्रहरीका अनुसार नारायणगढबाट बुटवलतर्फ आउँदै गरेको लु.२ ख ६४५७ नम्बरको बसलाई सोही दिशातर्फ जाँदै गरेको लु.२ ख ६०३६ नम्बरको बसले पछाडिबाट ठक्कर दिएको थियो।
दुर्घटनामा दुवै बसमा सवार १८ जना घाइते भएका छन्। घाइतेमध्ये दुई जनाको पुरानो चितवन मेडिकल कलेज र अन्यको नयाँ चितवन मेडिकल कलेजमा उपचार भइरहेको प्रहरीले जनाएको छ।
घाइतेहरूको विवरण
लु.२ ख ६४५७ नम्बरको बसमा सवार :
१. कालिकोट तिलागुफा नगरपालिका–३ का ३६ वर्षीय धनमान हमाल
२. गैंडाकोट नगरपालिका–५ की ६० वर्षीया लिला थापा
दुवै जनाको पुरानो चितवन मेडिकल कलेजमा उपचार भइरहेको छ।
लु.२ ख ६०३६ नम्बरको बसमा सवार :
नयाँ चितवन मेडिकल कलेजमा उपचाररत :
३. बस चालक चितवन भरतपुर–४ का ४७ वर्षीय सन्तोषबहादुर गुरुङ
४. गैंडाकोट–७ की १२ वर्षीया आत्रिया पौडेल
५. गैंडाकोट–१५ की ४० वर्षीया माधवा ज्ञवाली
६. गोरखाका ३५ वर्षीय शंकर बयलकोटी
७. गैंडाकोट–२ की ३८ वर्षीया सीता ज्ञवाली
८. गैंडाकोट–२ की ११ वर्षीया जस्मिन ज्ञवाली
९. चितवन रत्ननगर–२ की १० वर्षीया दिभा रानाभाट
पुरानो चितवन मेडिकल कलेजमा उपचाररत :
१०. बारा कलैया उपमहानगरपालिका–९ का ६० वर्षीय मोहन भैया साह
११. चितवन भरतपुर महानगरपालिका–२ की ३१ वर्षीया निशा तिवारी
१२. निशा तिवारीका करिब ८ वर्षीय छोरा ऐट्रेन भट्ट
१३. दाङका करिब ५५ वर्षीय निमलाल खड्का
१४. निमलाल खड्काकी ५५ वर्षीया श्रीमती अमृता खड्का
१५. रुपन्देही मायादेवी गाउँपालिका–६ का ५७ वर्षीय मनोज गुरुङ
१६. मनोज गुरुङकी ५१ वर्षीया श्रीमती हुमा गुरुङ
१७. गैंडाकोट नगरपालिका–५ का ५२ वर्षीय प्रेमबहादुर रानाभाट
१८. गैंडाकोट नगरपालिका–६ की करिब ४३ वर्षीया मिरा आचार्य
दुर्घटनापछि घाइतेहरूको तत्काल उद्धार गरी उपचारका लागि भरतपुर पठाइएको प्रहरीले जनाएको छ। घटनाबारे थप अनुसन्धान भइरहेको छ।
