पश्चिम नवलपरासी, कात्तिक १५ गते। पश्चिम नवलपरासीको सुस्ता गाउँपालिका–स्थित १४ नम्बर ठोकरमा पानीले बगाएर ल्याएको अवस्थामा एक बालकको शव फेला परेको छ।
जिल्ला प्रहरी कार्यालयका अनुसार करिब १० वर्ष उमेरका जस्तो देखिने बालकको शव फेला परेको हो। मृतक बालकको पहिचान खुल्न सकेको छैन।
शवको सनाखत हुन नसकेपछि जिल्ला प्रहरी कार्यालयले बालकको पहिचान खुलाउन सर्वसाधारणसँग सहयोगको अपिल गर्दै सूचना सार्वजनिक गरेको छ।
