प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
पाल्पा । तिनाउ खोलामा पौडी खेल्ने क्रममा बेपत्ता भएका एक युवकको शव फेला परेको छ।
जिल्ला प्रहरी कार्यालय पाल्पाका अनुसार भदौ १३ गते बिहान तिनाउ गाउँपालिका–३ स्थित तिनाउ खोलामा परिवारसहित घुम्न आएका भारत उत्तर प्रदेश इटावा सिद्धार्थनगर निवासी २१ वर्षीय प्रभाष सोनी पौडी खेल्ने क्रममा अचानक पानीको बहाव बढ्दा बगेर बेपत्ता भएका थिए।
बेपत्ता भएको जानकारी प्राप्त भएपछि प्रहरी चौकी दोभानबाट खटिएको प्रहरी टोलीले बुटवल, रुपन्देहीसँग समन्वय गरी खोजतलास गरेको थियो। खोजीका क्रममा करिब ११ः५२ बजे रुपन्देहीको बुटवल उपमहानगरपालिका–१५ उजालापुरस्थित तिनाउ खोलामा उनको शव फेला परेको प्रहरीले जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय पाल्पाले जनाएको छ।
