काठमाडौँ, कात्तिक ६ गते । राष्ट्रिय स्वतन्त्र पार्टी (रास्वपा) का सभापति रवि लामिछाने तीन दिने तीर्थाटनका लागि आज भारत जान लाग्नुभएको छ। उहाँको सचिवालयले विज्ञप्तिमार्फत यसबारे जानकारी दिएको हो।
सचिवालयका अनुसार सभापति लामिछाने परिवारसहित भारतको उत्तराखण्डस्थित नैनीतालमा रहेको कैँची धाम र आसामको गुवाहाटीस्थित कामाख्या देवी मन्दिरमा पूजाअर्चना गर्न जान लाग्नुभएको हो।
सचिवालयले उक्त भ्रमण उहाँको निजी भ्रमण रहेको स्पष्ट पारेको छ।
