प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
काठमाडौं । आज श्रावण शुक्ल पूर्णिमाका दिन देशभर जनैपूर्णिमा तथा रक्षाबन्धन पर्व मनाइँदैछ।
यस अवसरमा बिहानैदेखि श्रद्धालुहरूले नदी, तलाउ तथा जलाशयमा स्नान गरी सप्तऋषिको पूजा–आराधना तथा तर्पण गर्ने परम्परा छ। तागाधारीहरूले पुरानो जनै फेरेर मन्त्रिएको नयाँ जनै (यज्ञोपवीत) धारण गर्ने गर्दछन्।
आज गुरु–पुरोहितबाट नाडीमा रक्षाबन्धन (डोरो) बाँध्ने चलनसमेत रहेको छ। साथै दिदीबहिनीले दाजुभाइको नाडीमा राखी बाँध्दै दीर्घायु, सुस्वास्थ्य र सुख–समृद्धिको कामना गर्ने तथा दाजुभाइले उपहार र दक्षिणा दिई रक्षाको वचन दिने परम्परा छ।
जनैपूर्णिमा तथा रक्षाबन्धनले दाजुभाइ–दिदीबहिनीबीचको प्रेम, आत्मीयता र पारिवारिक सम्बन्धलाई थप प्रगाढ बनाउने विश्वास गरिन्छ।
