गुल्मी, कात्तिक १८ गते । गुल्मीमा भीरबाट लडेर एक महिलाको मृत्यु भएको छ।
जिल्ला प्रहरी कार्यालय गुल्मीका प्रहरी नायब उपरीक्षक वीरेन्द्र विश्वकर्माका अनुसार रेसुङ्गा नगरपालिका–३, भाडगाउँबाट तम्घास जाने क्रममा ३७ वर्षीया तारा बस्नेतको भीरबाट लडेर मृत्यु भएको हो।
धुर्कोट गाउँपालिका–६ स्थायी घर भई भाडगाउँस्थित माइतीमा बस्दै आउनुभएकी बस्नेत बुधबार बिहान माइतीबाट तम्घासको छापटोलास्थित घर फर्किने क्रममा दुर्घटनामा पर्नुभएको प्रहरीले जनाएको छ।
रेसुङ्गा नगरपालिका–३ स्थित डुङडुङे भीरबाट खसेर उहाँको मृत्यु भएको प्रारम्भिक जानकारी प्रहरीले दिएको छ।
घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ।
