काठमाडौं । नागढुङ्गा सुरुङमार्ग प्रयोग गर्ने सवारीसाधनबाट कात्तिक १५ गते शनिबारदेखि अनिवार्य रूपमा टोल शुल्क सङ्कलन गरिने भएको छ।
आयोजनाका अनुसार सवारीसाधनको वर्गअनुसार ६० रुपैयाँदेखि ६०० रुपैयाँसम्म शुल्क निर्धारण गरिएको छ। सुरुङमार्ग प्रयोग गर्ने सवारीचालकले एनट्याग (RFID), क्यूआर कोड वा नगदमार्फत टोल शुल्क भुक्तानी गर्न सक्नेछन्।
एनट्याग लिनका लागि सवारी दर्ता प्रमाणपत्र (ब्लुबुक), सवारीधनीको परिचयपत्र र सक्रिय मोबाइल नम्बर आवश्यक पर्नेछ।
टोल शुल्क सङ्कलन सुरु भएसँगै नागढुङ्गा सुरुङमार्ग प्रयोग गर्ने सवारीसाधनका चालकले यात्राअघि तोकिएको शुल्क र भुक्तानी प्रक्रियाबारे जानकारी लिनुपर्नेछ।
