प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
काठमाडौँ । जापानमा जारी एसियाली खेलकुद प्रतियोगिताअन्तर्गत क्रिकेटमा नेपालले अफगानिस्तानलाई पराजित गरेको छ।
शुक्रबार भएको खेलमा टस जितेर पहिले ब्याटिङ गरेको अफगानिस्तानले निर्धारित २० ओभरमा ७ विकेट गुमाउँदै १०२ रन बनाएको थियो। जवाफी ब्याटिङमा उत्रिएको नेपालले १७.३ ओभरमै लक्ष्य पूरा गर्दै अफगानिस्तानमाथि सहज जित हात पारेको हो।
नेपालका लागि सन्दीप जोराले सर्वाधिक ३४ रन बनाए। रोहित पौडेलले ३३ रन तथा दीपेन्द्रसिंह ऐरीले १५ रनको योगदान दिए।
बलिङतर्फ नेपालका कुशल भुर्तेलले ४ विकेट लिए भने ललित राजवंशीले ३ विकेट हात पारे। नेपाली बलरले सुरुवातदेखि नै अफगानिस्तानका ब्याट्सम्यानमाथि दबाब कायम राख्दै ठूलो स्कोर बनाउन रोकेका थिए।
अफगानिस्तानका लागि फैसल खान अहमदजायी र नजिबुल्लाह जदरानले समान ३०–३० रन बनाए। नाङ्गेयलिया खानले १७ रन जोडे। अन्य ब्याट्सम्यानले दोहोरो अंकमा रन बनाउन सकेनन्।
यससँगै नेपालले एसियाली खेलकुदमा क्रिकेटतर्फ महत्वपूर्ण जित दर्ता गरेको छ।
