प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
नवलपुर। नवलपुरको नारायणी नदी किनारमा भोटेकोशी नदीमा आएको बाढीले बगाएर ल्याएका ४९ वटा शव तथा मानव अंग फेला परेका छन्। जिल्ला प्रहरी कार्यालय नवलपुरका अनुसार हालसम्म २४ पुरुष, ११ महिला, ६ बालिका र २ बालकका शव तथा ६ वटा मानव अंग फेला परेका हुन्।
फेला परेका शवमध्ये गैँडाकोट नगरपालिकामा ३०, विनयी त्रिवेणी गाउँपालिकामा ८, देवचुली नगरपालिकामा ६ र मध्यविन्दु नगरपालिकामा ५ वटा छन्। तीमध्ये २६ वटा शव गैँडाकोट नगर अस्पतालमा राखिएको छ भने २३ वटा शव नारायणी नदी किनारमै रहेको जिल्ला प्रहरी कार्यालयका सूचना अधिकारी तथा प्रहरी नायब उपरीक्षक अनिल पण्डितले जानकारी दिनुभयो। फेला परेका कुनै पनि शवको पहिचान खुल्न नसकेको उहाँले बताउनुभयो। जिल्ला प्रहरी कार्यालयले बिहानैदेखि शव सङ्कलनको कामलाई तीव्रता दिएको जनाएको छ।
शव सङ्कलनका लागि प्रहरी टोली परिचालन गरिएको जिल्ला प्रहरी कार्यालयका प्रमुख प्रहरी उपरीक्षक युवराज खड्काले जानकारी दिनुभयो। दिनभरमा थप शव फेला पर्न सक्ने आकलन गर्दै प्रहरी परिचालन गरिएको उहाँले बताउनुभयो।
स्थानीय प्रशासनले शव व्यवस्थापनको काम चुनौतीपूर्ण हुने जनाएको छ।
