प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
दाङ। दाङमा ट्याक्टर र अटो एकआपसमा ठोक्किँदा अटो चालकको मृत्यु भएको छ। सर्रा–सौडियार सडकअन्तर्गत सर्राबाट बसन्तापुरतर्फ जाँदै गरेको लुम्बिनी प्रदेश ०२–००१ ह १९२९ नम्बरको अटो र सौडियारबाट सर्रातर्फ आउँदै गरेको रा १ त ३७०९ नम्बरको ट्याक्टर घोराही उपमहानगरपालिका–७ बेसाहीमा बुधबार बेलुकी करिब ८ बजे एकआपसमा ठोक्किएका थिए।
दुर्घटनामा अटो चालक घोराही–५ बसन्तापुर निवासी ४५ वर्षीय विनोद पौडेल गम्भीर घाइते हुनुभएको थियो। उहाँको राप्ती स्वास्थ्य विज्ञान प्रतिष्ठानमा प्रारम्भिक उपचारपछि थप उपचारका लागि कोहलपुर मेडिकल कलेज लगिएकोमा उपचारका क्रममा बिहीबार बिहान मृत्यु भएको जिल्ला प्रहरी कार्यालय दाङका सूचना अधिकारी एवं प्रहरी नायब उपरीक्षक डा. हेमबहादुर केसीले जानकारी दिनुभयो।
दुर्घटनामा अटोमा सवार घोराही–५ बसन्तापुर निवासी ४० वर्षीय खिमराज केसी र सोही ठाउँका ४० वर्षीय तिलक केसी घाइते हुनुभएको छ। उहाँहरुको घोराहीस्थित राप्ती स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ।
प्रहरीले ट्याक्टर चालक घोराही–१७ भैसाही निवासी २३ वर्षीय हिमाल चौधरीलाई नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
