काठमाडौँ । प्रधानमन्त्री वालेन्द्र शाहले मौलिक चाडपर्वहरूले आपसी रिसराग भुलेर सामाजिक एकता, सद्भाव र सहिष्णुताको भावना बलियो बनाउन प्रेरित गर्ने बताउनुभएको छ।
नेपाल संवत् ११४७ (न्हूदँया भिन्तुना) तथा म्हः पूजाको अवसरमा देश तथा विदेशमा रहेका नेपालीहरूलाई शुभकामना व्यक्त गर्दै उहाँले मौलिक संस्कृति र परम्पराको संरक्षणले सामाजिक एकतालाई थप मजबुत बनाउने उल्लेख गर्नुभएको हो।
प्रधानमन्त्री शाहले राष्ट्रिय विभूति शङ्खधर साख्वाःले देशभरका जनतालाई ऋणमुक्त गराएर सुरु गर्नुभएको नेपाल संवत् नेपालीको मौलिक समयचक्र र पहिचान भएको बताउनुभएको छ।
उहाँले नेवार समुदायमा मनाइने म्हः पूजाले आत्मशुद्धि, आत्मबल र चेतनाको बोध गराउने उल्लेख गर्दै यसले आपसी सद्भाव तथा पुर्ख्यौली संस्कृतिको संरक्षणमा महत्वपूर्ण योगदान पुर्याउँदै आएको बताउनुभएको छ।
