रुपन्देही, । ट्याङ्करबाट इन्धन चोरी गरेको आरोपमा रुपन्देहीमा एक जना पक्राउ परेका छन्।>
तिलोत्तमा नगरपालिका–७ सुनयनापथस्थित नेपाल पेट्रोलियमको प्राङ्गणमा पार्किङ गरी राखिएका नेपाल आयल निगमका ट्याङ्करबाट इन्धन चोरी भइरहेको सूचनाका आधारमा प्रहरीले छापा मारेर उनलाई पक्राउ गरेको हो।>
लुम्बिनी प्रदेश प्रहरी कार्यालय दाङबाट खटिएको विशेष टोलीले इन्धन चोरी भइरहेको अवस्थामा दुईवटा ट्याङ्कर र एक जनालाई नियन्त्रणमा लिएको जनाएको छ।>
प्रहरीका अनुसार निगमका लु २ ख २६५५ र लु २ ख ३९४० नम्बरका ट्याङ्करबाट पेट्रोलियम पदार्थ चोरी भइरहेको अवस्थामा तिलोत्तमा नगरपालिका–७, मंगलापुर निवासी ४६ वर्षीय तिलबहादुर फुलाल पक्राउ परेका हुन्।>
नियन्त्रणमा लिइएका ट्याङ्कर र पक्राउ परेका फुलाललाई थप अनुसन्धान तथा कारबाहीका लागि इलाका प्रहरी कार्यालय बुटवल पठाइएको इलाका प्रहरी कार्यालय मंगलापुरका प्रहरी निरीक्षक ज्ञानेन्द्र चन्दले जानकारी दिनुभयो।>
पक्राउ परेका व्यक्तिमाथि थप अनुसन्धान भइरहेको उहाँले बताउनुभयो।>>