प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
काठमाडौं उपत्यकामा आज पनि सात स्थानबाट एलपी ग्यास बिक्री हुने भएको छ।
नेपाल आयल निगमका अनुसार अत्यावश्यक उपभोक्ताका लागि आज आइतबार बिहान ११ बजेदेखि साँझ ५ बजेसम्म विभिन्न सात स्थानबाट ग्यास बिक्रीवितरण गरिनेछ।
ग्यास टेकु परिसर, नयाँ बजार जुडो हल, पशु सेवा शाखा चापली, तारकेश्वर नगरपालिका परिसर, चन्द्रागिरि नगरपालिका कार्यालय, राधास्वामी परिसर कीर्तिपुर र राष्ट्रिय क्षयरोग केन्द्र ठिमीबाट बिक्री हुनेछ।
ग्यास खरिदका लागि उपभोक्ताले नागरिकता वा राष्ट्रिय परिचयपत्र देखाउनुपर्नेछ। निगमले ग्यासको आयात नियमित भइरहेको जनाउँदै बिक्रेतालाई पनि नियमित बिक्रीवितरण गर्न आग्रह गरेको छ।
शनिबार मात्रै उपत्यकामा अत्यावश्यक उपभोक्ताका लागि विभिन्न ब्रान्डका ६ हजार ८०२ सिलिन्डर एलपी ग्यास वितरण गरिएको निगमले जनाएको छ।
