प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
इनरुवा। सप्तकोशी नदीमा पानीको बहाव निरन्तर बढ्दै गएको छ। बिहीबार रातिदेखि लगातार वर्षा भएपछि कोशी ब्यारेजमा पानीको बहाव बढेको हो।
सवा २ बजेको पछिल्लो मापनअनुसार सप्तकोशीमा पानीको बहाव २ लाख ४० हजार ५५५ क्युसेक पुगेको छ। पानीको बहाव खतरा तहमा पुगेपछि कोशी ब्यारेजका ३० वटा ढोका खोलिएको कोशी ब्यारेज कन्ट्रोल रुमले जनाएको छ।
जिल्ला प्रशासन कार्यालय सुनसरीका अनुसार कोशी ब्यारेजमा पानीको बहाव अझै बढ्दो क्रममा रहेको छ। बढ्दो बहावलाई ध्यानमा राख्दै कोशी नदी आसपास तथा तटीय क्षेत्रमा बसोबास गर्ने नागरिकलाई उच्च सतर्कता अपनाउन आग्रह गरिएको सुनसरीका प्रमुख जिल्ला अधिकारी ईश्वरीप्रसाद अर्यालले जानकारी दिनुभयो।
नदी किनार, तल्लो तटीय क्षेत्र तथा जोखिमयुक्त स्थानमा रहेका बासिन्दालाई सम्भावित बाढीको जोखिमलाई मध्यनजर गर्दै आवश्यक सावधानी अपनाउन तथा सुरक्षित स्थानतर्फ जान प्रशासनले आग्रह गरेको छ।
पानीको बहाव निरन्तर बढिरहेकाले सम्बन्धित निकायले नदीको अवस्था नियमित निगरानी गरिरहेका छन्। कोशी ब्यारेजमा कुल ५६ वटा ढोका रहेका छन्।
