कपिलवस्तु । कपिलवस्तुमा चालु आर्थिक वर्ष २०८३/८४ को साउनदेखि हालसम्म लागूऔषध कारोबारसम्बन्धी १५ वटा मुद्दामा ३० जना पक्राउ परेका छन्। पक्राउ
पर्नेमा २३ पुरुष र सात महिला रहेको जिल्ला प्रहरी कार्यालय कपिलवस्तुले जनाएको छ।
प्रहरीका अनुसार उक्त अवधिमा २१ ग्राम २१० मिलिग्राम खैरो हेरोइनसहित विभिन्न प्रकारका लागूऔषध बरामद गरिएको छ। बरामद लागूऔषधमा पाँच किलो २२५
ग्राम चरेस, १० किलो ३६४ ग्राम अफिम र १३० ग्राम गाँजा रहेका छन्।
त्यस्तै, प्रहरीले २० वटा नाइट्राभेट, आठ वटा स्पास्मो र कोडिन सिरपको एक बोतलसमेत बरामद गरेको जनाएको छ।
यसैबीच, प्रहरीले गएराति शिवराज नगरपालिका–२, हल्लानगरबाट खैरो हेरोइनजस्तो पदार्थसहित २३ वर्षीया अस्मिता बोहरालाई पक्राउ गरेको छ।
वडा प्रहरी कार्यालय चन्द्रौटाबाट खटिएको प्रहरी टोलीले बोहराको घरमा खानतलासी गर्दा उक्त पदार्थ फेला पारेको जिल्ला प्रहरी कार्यालय कपिलवस्तुका प्रहरी नायब उपरीक्षक रिपेन्द्रकुमार सिंहले जानकारी दिए।
