काठमाडौं, कात्तिक २९ गते । नेपाली बजारमा आइतबार सुनको मूल्य तोलामा १ हजार ५ सय रुपैयाँले घटेको छ। तिहारयता सुनको मूल्यमा निरन्तर गिरावट आउँदा प्रतितोला १४ हजार १ सय रुपैयाँ सस्तिएको छ।>
नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला २ लाख ७० हजार २ सय रुपैयाँ कायम भएको छ। यसअघि शुक्रबार सुन प्रतितोला २ लाख ७१ हजार ७ सय रुपैयाँमा कारोबार भएको थियो।>
तिहारअघि अर्थात् गत सोमबार सुनको मूल्य प्रतितोला २ लाख ८४ हजार ३ सय रुपैयाँ रहेको थियो। सोमबारपछि शुक्रबार मात्रै नेपाली बजारमा सुनको मूल्य समायोजन गरिएको थियो।>
यस्तै, चाँदीको मूल्यमा पनि गिरावट आएको छ। आइतबार चाँदीको मूल्य तोलामा १ सय रुपैयाँले घटेर प्रतितोला ३ हजार ६ सय रुपैयाँ कायम भएको महासंघले जनाएको छ।>
अघिल्लो दिन शुक्रबार चाँदी प्रतितोला ३ हजार ७ सय रुपैयाँमा कारोबार भएको थियो। तिहारयता चाँदीको मूल्य पनि तोलामा २ सय ५५ रुपैयाँले घटेको छ। गत सोमबार चाँदी प्रतितोला ३ हजार ८ सय ५५ रुपैयाँमा कारोबार भएको थियो।>
>>