प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
चर्को आवाजमा कुदाइने बाइक नियन्त्रणका लागि ट्राफिक प्रहरी सादा पोशाकमा परिचालन
काठमाडौँ । चर्को आवाज निकाल्दै कुदाइने मोटरसाइकलका कारण बढ्दो असुविधा र दुर्घटनाको जोखिमलाई ध्यानमा राख्दै ट्राफिक प्रहरीले कडा निगरानी थालेको छ। ट्राफिक प्रहरीले यस्ता मोटरसाइकल नियन्त्रण गर्न सादा पोशाकमा प्रहरी परिचालन गरेको जनाएको छ।
ट्राफिक प्रहरीका अनुसार नियमविपरीत साइलेंसर परिवर्तन गरी चर्को आवाज निकाल्ने, तीव्र गतिमा चलाइने तथा सार्वजनिक शान्ति भङ्ग गर्ने मोटरसाइकलमाथि विशेष कारबाही गरिनेछ।
यदि कतै चर्को आवाजमा कुदाइएका मोटरसाइकल देखिएमा वा आवाज सुन्नु भएमा नजिकको ट्राफिक प्रहरी कार्यालयमा जानकारी गराउन आग्रह गरिएको छ। यसका लागि ट्राफिक प्रहरीले सम्पर्क नम्बरहरू सार्वजनिक गरेको छ।
सम्पर्क नम्बरहरू:
9852090161, 9852080105, 025-580105, 103
ट्राफिक प्रहरीले सवारी नियमको पालना गर्न, सार्वजनिक शान्ति र सुरक्षामा सहयोग पुर्याउन सबै सवारी चालकलाई आग्रह गरेको छ।
