प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
पाल्पा । रिब्दीकोट गाउँपालिकाले सञ्चालन गरेको विपद् सहयोग अभियानमा गाउँपालिकाभित्र कार्यरत महिला सामुदायिक स्वास्थ्य स्वयंसेविकाहरूले रु. ६२ हजार ७०५ आर्थिक सहयोग गरेका छन्।स्वयंसेविकाहरूले संकलन गरेको उक्त रकम नेपाल सरकारको प्रधानमन्त्री दैवी प्रकोप उद्धार कोषमा जम्मा हुने गरी गाउँपालिकालाई हस्तान्तरण गरेका हुन्।
रकम गाउँपालिकाका कार्यवाहक अध्यक्ष एवं उपाध्यक्ष कान्ता अधिकारी, प्रमुख प्रशासकीय अधिकृत सुरेश भुसाल र स्वास्थ्य शाखा प्रमुख सुनिल अधिकारीको रोहवरमा हस्तान्तरण गरिएको हो।
यसैगरी, रिब्दीकोट गाउँपालिका–६ चेप्टेढुङ्गास्थित वन उपभोक्ता समूह र जागृति महिला समूह पोरकनीले पनि विपद् सहयोग अभियानमा रु. १० हजार १५५ आर्थिक सहयोग गरेका छन्। उक्त रकम स्वयंसेविका बदि थापाको रोहवरमा हस्तान्तरण गरिएको गाउँपालिकाले जनाएको छ।
गाउँपालिकाका अनुसार विभिन्न व्यक्ति तथा समूहबाट प्राप्त सहयोग रकम प्रधानमन्त्री दैवी प्रकोप उद्धार कोषमा जम्मा गरिएको छ।
