मुख्य समाचार
आज हरिबोधिनी एकादशी पर्व मनाइँदै, तुलसी–दामोदर विवाह गरिने | सत्यवती बज्यै मन्दिरमा मेलाको तयारी तीव्र, एक लाखभन्दा बढी भक्तजन आउने अपेक्षा | दाङको शिवखोलामा बस दुर्घटना, १४ यात्रु घाइते | राप्ती पुल दुर्घटनामा एकको मृत्यु, दुई जना घाइते | सम्भावनाको पाल्पा : नेतृत्वले चाह्यो भने समृद्धिको नमुना बन्न सक्छ | नेपाली बजारमा सुनको मूल्य २ लाख ५७ हजार ६०० रुपैयाँमा झर्‍यो | गुडिरहेको ईभीबाट खसेर रोल्पामा ३० वर्षीय यात्रु घाइते | ट्याङ्करबाट इन्धन चोरी गर्दै गरेको अवस्थामा एक जना पक्राउ | गरुडपुराणले अथ्र्याएको जीवनचक्र | तिलोत्तमाबाट ६ लाख १० हजारका मोबाइल सामग्रीसहित बोलेरो बरामद |
मुख्य समाचार
आज हरिबोधिनी एकादशी पर्व मनाइँदै, तुलसी–दामोदर विवाह गरिने | सत्यवती बज्यै मन्दिरमा मेलाको तयारी तीव्र, एक लाखभन्दा बढी भक्तजन आउने अपेक्षा | दाङको शिवखोलामा बस दुर्घटना, १४ यात्रु घाइते | राप्ती पुल दुर्घटनामा एकको मृत्यु, दुई जना घाइते | सम्भावनाको पाल्पा : नेतृत्वले चाह्यो भने समृद्धिको नमुना बन्न सक्छ | नेपाली बजारमा सुनको मूल्य २ लाख ५७ हजार ६०० रुपैयाँमा झर्‍यो | गुडिरहेको ईभीबाट खसेर रोल्पामा ३० वर्षीय यात्रु घाइते | ट्याङ्करबाट इन्धन चोरी गर्दै गरेको अवस्थामा एक जना पक्राउ | गरुडपुराणले अथ्र्याएको जीवनचक्र | तिलोत्तमाबाट ६ लाख १० हजारका मोबाइल सामग्रीसहित बोलेरो बरामद |

यूएन महासभामा नेपालको सहभागिता उपलब्धिमूलक : परराष्ट्रमन्त्री खनाल

Rastriyanews

काठमाडौँ, असोज १४ गते । परराष्ट्रमन्त्री शिशिर खनालले संयुक्त राष्ट्रसङ्घको ८१औँ महासभामा नेपालको सहभागिताले राष्ट्रिय हित प्रवर्द्धनका लागि महत्त्वपूर्ण आधार तयार गरेको बताउनुभएको छ।

महासभा तथा त्यस अवसरमा आयोजित विभिन्न उच्चस्तरीय कार्यक्रम र द्विपक्षीय भेटवार्तामा सहभागी भएर बुधबार स्वदेश फर्कनुभएका मन्त्री खनालले त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्दै नेपालको कूटनीतिक छवि उच्च बनाउन र विश्व समुदायको ध्यानाकर्षण गराउन आफूहरू सक्रिय रहेको बताउनुभयो।

उहाँका अनुसार महासभाका क्रममा भएका विभिन्न बैठक, भेटघाट र छलफलमा नेपालका तर्फबाट प्रस्तुत धारणा तथा प्रस्तावप्रति विश्व समुदाय सकारात्मक देखिएको छ। उहाँले महासभाको अवधिमा ३३ भन्दा बढी द्विपक्षीय भेटवार्ता भएको जानकारी दिँदै त्यसले नेपालको कूटनीतिक सम्बन्धलाई थप मजबुत बनाउन सहयोग पुग्ने विश्वास व्यक्त गर्नुभयो।

मन्त्री खनालले महासभामा नेपालले जलवायु न्यायसहितका विषयलाई प्राथमिकताका साथ उठाएको बताउनुभयो। भोटेकोशी बाढीबाट भएको क्षति तथा जलवायु परिवर्तनका कारण नेपालजस्ता मुलुकले भोगिरहेका समस्याबारे अन्तर्राष्ट्रिय समुदायको ध्यानाकर्षण गराइएको उहाँको भनाइ छ।

प्रधानमन्त्री वालेन्द्र शाहले महासभामा सम्बोधन गर्दै जलवायु परिवर्तनका कारण नेपाल र नेपालजस्ता प्रभावित मुलुकले भोगिरहेको असरबारे धारणा राख्नुभएको थियो। महासभाको उच्चस्तरीय General Debate सेप्टेम्बर २२ देखि २८ सम्म न्यूयोर्कमा भएको थियो।

मन्त्री खनालले महासभामा नेपालको राष्ट्रिय हितलाई केन्द्रमा राखेर काम गरिएको बताउँदै आगामी दिनमा नेपालको कूटनीतिलाई थप सशक्त बनाउँदै राष्ट्रहित प्रवर्द्धनमा योगदान पुर्‍याउने आधार तय भएको उल्लेख गर्नुभयो।

प्रतिक्रिया

सम्बन्धित समाचार