मुख्य समाचार
लुम्बिनी प्रदेशका सबै स्थानीय तहमा बालविवाह न्यूनीकरण कार्यक्रम सञ्चालन गरिने | तिहारयता सुनचाँदी दुवैको भाउ ओरालो | आगो लगाएर गम्भीर घाइते बनाइएका चौधरीले ज्यान गुमाए | दाङमा जुवातास खेलिरहेको अवस्थामा १७ जना पक्राउ, पाँच लाखभन्दा बढी नगद बरामद | एमालेको राष्ट्रिय कार्यकर्ता भेला मङ्सिर २ र ३ गते, तीन हजारभन्दा बढी सहभागी हुने | छठ पर्वले राष्ट्रिय एकता र सामाजिक सद्भाव अभिवृद्धि गर्ने राष्ट्रपति पौडेलको विश्वास | मौसम पूर्वानुमान : पश्चिमी वायुको आंशिक प्रभाव, हिमाली तथा पहाडी क्षेत्रमा वर्षा र हिमपातको सम्भावना | सवारी दुर्घटनामा परी दुई जनाको मृत्यु,१५ जना घाइते | मार्क्सवादी दर्शन: एक संक्षिप्त अध्ययन | छठ पर्वको दोस्रो दिन आज खरना मनाइँदै |
मुख्य समाचार
लुम्बिनी प्रदेशका सबै स्थानीय तहमा बालविवाह न्यूनीकरण कार्यक्रम सञ्चालन गरिने | तिहारयता सुनचाँदी दुवैको भाउ ओरालो | आगो लगाएर गम्भीर घाइते बनाइएका चौधरीले ज्यान गुमाए | दाङमा जुवातास खेलिरहेको अवस्थामा १७ जना पक्राउ, पाँच लाखभन्दा बढी नगद बरामद | एमालेको राष्ट्रिय कार्यकर्ता भेला मङ्सिर २ र ३ गते, तीन हजारभन्दा बढी सहभागी हुने | छठ पर्वले राष्ट्रिय एकता र सामाजिक सद्भाव अभिवृद्धि गर्ने राष्ट्रपति पौडेलको विश्वास | मौसम पूर्वानुमान : पश्चिमी वायुको आंशिक प्रभाव, हिमाली तथा पहाडी क्षेत्रमा वर्षा र हिमपातको सम्भावना | सवारी दुर्घटनामा परी दुई जनाको मृत्यु,१५ जना घाइते | मार्क्सवादी दर्शन: एक संक्षिप्त अध्ययन | छठ पर्वको दोस्रो दिन आज खरना मनाइँदै |

समाचार राष्ट्रिय समाचार प्रदेश १३ असोज २०८३, बुधवार

लुम्बिनीमा चार दिनमा ७८ विपत्का घटना, ६ जनाको मृत्यु, १ हजार २८० विस्थापित

Rastriyanews

रूपन्देही, असोज १४ गते । लुम्बिनी प्रदेशमा चार दिनको अवधिमा भएका ७८ वटा विपत्का घटनामा परी ६ जनाको मृत्यु भएको छ भने एक जना घाइते भएका छन् । विपत्का कारण प्रदेशभर १ हजार २८० जना विस्थापित भएका छन् ।

प्रदेश आपत्कालीन कार्यसञ्चालन केन्द्रका अनुसार विपत्का घटनाबाट २७ वटा घर पूर्ण रूपमा क्षतिग्रस्त, ५६ वटा घरमा आंशिक क्षति र १६ वटा घर डुबानमा परेका छन् । थप १७० वटा घर जोखिममा रहेका छन् । विपत्का कारण प्रदेशभर अनुमानित ४० लाख रुपैयाँभन्दा बढीको आर्थिक क्षति भएको केन्द्रले जनाएको छ ।

केन्द्रका अनुसार चार दिनमा पहिरोका ३१ वटा घटना भएका छन् । पहिरोमा परी पाँच जनाको मृत्यु र एक जना घाइते भएका छन् भने ४८० जना विस्थापित भएका छन् । पहिरोले १० वटा घर पूर्ण र आठ वटा घरमा आंशिक क्षति पुर्‍याएको छ । एक सय वटा घर जोखिममा परेका छन् ।

त्यस्तै, डुबानका २६ वटा घटना भएका छन् । डुबानका कारण ७७८ जनालाई सुरक्षित स्थानमा सारिएको छ । नौ वटा घर पूर्ण र १३ वटा घरमा आंशिक क्षति पुगेको छ भने १६ वटा घर डुबानमा परेका छन् । ७० वटा घर जोखिममा रहेको केन्द्रको विवरणमा उल्लेख छ ।

यस अवधिमा हावाहुरीका १३ वटा र बाढीका आठ वटा घटना भएका छन् । हावाहुरीका कारण एक जनाको मृत्यु भएको छ भने ३५ वटा घरमा आंशिक र एउटा घरमा पूर्ण क्षति पुगेको छ । बाढीका कारण २२ जना विस्थापित भएका छन् भने सात वटा घर पूर्ण रूपमा क्षतिग्रस्त भएका छन् ।

पाल्पामा मानवीय क्षति सबैभन्दा बढी

जिल्लागत विवरणअनुसार अर्घाखाँचीमा सबैभन्दा बढी १५ वटा विपत्का घटना भएका छन् । बाँकेमा १३, गुल्मीमा १० लगायत अन्य जिल्लामा पनि विभिन्न प्रकृतिका विपत्का घटना भएका छन् ।

मानवीय क्षतिको हिसाबले पाल्पा सबैभन्दा प्रभावित जिल्ला बनेको छ । पाल्पामा पहिरोका कारण पाँच जनाको मृत्यु भएको र एक जना घाइते भएको केन्द्रले जनाएको छ । त्यस्तै, रोल्पामा हावाहुरीका कारण एक जनाको मृत्यु भएको छ ।

प्रतिक्रिया

सम्बन्धित समाचार