पाल्पा- रिब्दिकोट गाउँपलिका वार्ड न ६ रिब्डिकोट बौद्ध बिहारको आयोजनामा नेपाल बौद्ध परियति शिक्षा प्रमाणपत्र तथा पुरस्कार वितरण समारोह सम्पन्न भएको छ। रिब्दिकोट वार्ड न ६ घोर्लिखरकमा सम्पन्न भएको समारोहमा हुम बहादुर पचभैयाको अध्यक्षता,गाउँपालिका प्रमुख नारायण बहादुर कार्किको प्रमुख आतिथ्यता, वार्ड अध्यक्ष एवं रिब्दिकोट गाउँपालिका प्रवक्ता प्रकाश रायमाझि, लुम्बिनी प्रदेशका पुर्व संसद पुरनमान बज्राचार्यको विशिष्ट आतिथ्यता, जलेश्वर मन्दिर ब्यवस्थापन समितीका अध्यक्ष बेणिमाधव आचार्य,अन्तर्राष्ट्रिय बुद्ध परियतिका प्रतिनिधि ,पाल्पा तथा रुपन्देहीका विभिन्न बौद्ध बिहार ,चैत्य ,गुम्बाबाट आउनुभएका बौद्ध धर्मावलम्बीको आतिथ्यतामा समारोह सप्पन्न भएको हो।
समारोहमा रिब्दिकोट गाउँपालिका प्रमुख नारायण बहादुर कार्कीले परियति शिक्षा सस्कार सहितको शिक्षा दिने साथै पाठ्यक्रम अधारित रहेकोले परियति शिक्षालाई स्थानिय तहका पाठ्यक्रममा समाबेश गर्नुपर्नेमा स्थानीय तहले पहलका लागि आवश्यक सहयोग गर्ने प्रतिबद्धता व्यक्त गर्नुभयो।
जलेश्वर मन्दिर ब्यवस्थापन समितीका अध्यक्ष अतिथि बेणिमाधव आचार्यले नमुनायोग्य कार्य मार्फत २१ जना विद्यार्थीलाइ बौद्धशिक्षा दिएर रिब्डिकोट बौद्ध बिहारले उल्लेखनीय योगदान बारे उल्लेख गर्नुभयो।समारोहमा अन्तर्राष्ट्रिय बुद्ध परियति उदयबिहार डिङ्गानगर रुपन्देहीका वापा कमलबहादुर गलामि मगरले समारोहमा दिवङ्गत जतिल भन्ते ज्यु बर्माबाट नेपाल आइ खेयरवाद,महायान र बज्रयान अन्तर्गत महायानलाइ अगाल्दै भगवान गौतम बुद्धको उपदेशलाई अगाल्दै आएको बताउनुभयो ।
समारोहमा बिसारत भन्ते ज्यु बाट बुद्ध पाठ ,परिदान पाठ साथै भोजन दान ग्रहण गर्नुभएको थियो। समारोहमा २१ जना विद्यार्थीहरुलाइ बौद्ध परियति शिक्षामा उतिर्ण प्रमाणपत्र, स्कुल पोसाक बितरण र आर्थिक सहयोग रकम हस्तान्तरण गरिएको थियो। समारोहका अध्यक्ष हुम बहादुर पचभैयाले २०२० सालदेखि अखिल नेपाल भिक्षु महासंघ ले परियति शिक्षा संचालन गर्दै आएको साथै परियति शिक्षामा हालसम्म ८० हजार विद्यार्थी सहभागी रहेको बताउदै स्थानीय तहको पाठ्यक्रममा परियति शिक्षालाई स्थानीय तहलाई आग्रह गर्नुभयो।
समारोहमा पाल्पा लगायत रुपन्देहीका बौद्ध अनुयायीहरु , जनप्रतिनिधि ,स्थानीय पत्रकार लगायत १५० जनाको उपस्तिथि रहेको थियो। भने स्वागत मन्तव्य मिना रानाले गर्नुभएको हो। सो समारोहको संचालन जुद्द बहादुर पचभैयाले गर्नुभएको थियो।
