जेठ २९ संखुवासभा - संखुवासभा जिल्लाको च्याम्ताङ आसपास केन्द्रबिन्दु भएर भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार बिहीबार राति १ः३१ बजे ४.० म्याग्निच्युडको भूकम्प मापन गरिएको हो।
केन्द्रका अनुसार भूकम्पको केन्द्रबिन्दु च्याम्ताङ आसपास रहेको थियो। भूकम्पको धक्का संखुवासभासहित आसपासका विभिन्न क्षेत्रमा महसुस गरिएको स्थानीयले बताएका छन्।
भूकम्पबाट भएको मानवीय तथा भौतिक क्षतिको विवरण भने हालसम्म प्राप्त भएको छैन। सम्बन्धित निकायले थप जानकारी संकलन गरिरहेको जनाएको छ।
