पाल्पा ( पाल्पाको माथागढी(३ स्थित दिव्य ज्योति नमूना माध्यमिक विद्यालयले भर्ना अभियान तथा घरदैलो कार्यक्रम सुरू गरेको छ । विद्यालयका पहिचानसहित सोमबार याली गरेर विद्यालयले भर्ना अभियान थालेको हो । वार्षिक नतिजा प्रकाशन सकिएपछि विद्लायले शैक्षिक सत्र २०८० का लागि भर्ना अभियान थालेको हो ।
विद्यालयको भर्ना अभियान अन्तर्गत भएको (यालीमा माथागढी गाउँपालिकाका अध्यक्ष यमबहादुर चिदी, वडा अध्यक्ष तेजबहादुर घर्तीमगर, विद्यालय व्यवस्थापन समितिका अध्यक्ष रेखीराम राना, प्रधानाध्यापक लोकेन्द्र थापा, विव्यसका पूर्व अध्यक्षहरू, विव्यस सदस्य, अभिभावक समितिका पदाधिकारीहरूको सहभागिता रहेको थियो ।
सो अवसरमा गाउँपालिका अध्यक्ष चिदीले नयाँ भर्ना भएका विद्यार्थीलाई कापी कलम दिएर विद्यालयमा स्वागत गर्नुभयो । अध्यक्ष चिदीले पछिल्लो समय विद्यालयले उत्कृष्ट शैक्षिक क्रियाकलापहरू गर्दै आएको भन्दै प्रशंसा गर्नुभयो । उहाँले भर्ना अभियानले सबै तह र तप्काका बालबालिका विद्यालयभित्र ल्याउन सहयोग गर्ने उल्लेख गर्नुभयो ।
भर्ना अभियान अन्तर्गतको (यालीमा विद्यालयको पन्चेबाजा समूह, व्याण्ड बाजा समूह, स्काउट, जुरेस, इको क्लब, किशोरी क्लब, तेवाण्दो दोजाङ् समूहका विद्यार्थीहरू, अभिभावक एवं शिक्षकको सहभागिता रहेको थियो । भर्ना अभियान अन्तर्गत सेवा क्षेत्रमा घरदैलो अभियान समेत सुरू गरिएको विद्यालयका प्रधानाध्याक लोकेन्द्र थापाले जानकारी दिनुभयो ।
उहाँले विद्यालयमा कक्षा पिजी ९प्ले ग्रुप०देखि कक्षा ९ सम्ममा अङ्ग्रेजी र नेपाली दुबै माध्यममा पठनपाठन हुने जानकारी दिनुभयो । विद्यालयमा हाल एक हजार बालबालिका अध्ययनरत छन् ।
विद्यालयले यही वर्षदेखि स्कुल बस समेत संचालन गरेको जनाएको छ ।
