ठेकेदारले योजना अलपत्र पारेर सम्पर्क बिहिन

भाद्र १३ पाल्पा

ठेकेदारले योजना अलपत्र पारेर सम्पर्क बिहिन भएपछी ता.न.पा. १० का स्थानियले वडा कार्यालयलाई आयोजनाको कामलाई अघी बढाउन आवश्यक पहल गरिदिन आग्रह गरेका छन् ।

स्थानियले लामो समय देखी आयोजनाको काम अलपत्र हुदा सास्ती बेहोर्नु परेको र वडाकै गरिमामा आँच आएको भन्दै लिखित रुपमै आयोजाको काम सुचारु हुने ब्यवस्था मिलाउन अनुरोध गरेका हुन् । प्रदेश सरकारको समपुरक कोष मार्फत ता.न.पा.५ र ता.न.पा. १० मा कार्यान्यन हुने गरी सेतीपोखरी, गणशाल, बृन्दावन मोटरबाटो स्तरोन्नतीको आयोजना परेको थियो । सो योजनाको जम्मा ४८ लाखमा उदय कन्ट्रक्सन एण्ड ईन्जिनियरीङ्ग कन्शल्टेन्सीले ठेक्का सम्झौता गरेको थियो । ठेकेदार कम्पनीले सम्झौता गरी काम शुरु पनी गरेको र काम गर्दै जाँदा बजेट अपुग भएको भन्दै सम्पर्क बिहिन भएको उपभोक्ताको भनाई छ । स्थानियले र वडा कार्यालयले पटक पटक ठेकेदार कम्पनीलाई सम्पर्क गर्ने प्रयास गरे पनी सम्पर्क हुन नसकेको वडा अध्यक्ष हिमलाल पंगेनीले बताए । आयोजनाको काम सम्पन्न नहुदा वडाकै बिकासमा समस्या भएको पंगेनीको भनाइ छ । उनले नगरपालिकामा पटक पटक आयोजनाको कामलाई अघी बढाउन पहल गरिदिन आग्रह गरे पनी सुनुवाइ नभएको बताएका छन् । ठेकेदार कम्पनीका प्रमुख मनिष उदयलाई धेरै पटक सम्पर्क गर्ने प्रयास भएको भएपनी उनी सम्पर्कमा नआएको वडा कार्यालयले जनाएको छ । प्रदेश सरकारको बजेट अन्तर्गतको काम भएकोले आफुहरुले कार्वाहीको काम गर्न नमिल्ने भएकोले नगरपालिकालाई अनुरोध गरिएको वडा कार्यालयले जानकारी गराएको छ ।

ठेकेदार कम्पनीले नाली बनाउने, तारजाली लगाउने, लेबल मिलाउने, माटो भर्ने कामका लागी ठेक्का हात पारेको थियो । आफैले काम गर्न सक्छु भनेर आधा रकममा सम्झौता गरेको र पछी रकम अपुग भयो भन्दै ठेकेदार भाग्नु गैर जिम्मेवारी काम भएको वडाध्यक्ष पंगेनीले बताए । यता स्थानियले भने बाटोको काम पुरा नहुदा असहज भएको बताएका छन । स्थानिय कृृष्णगोपाल भट्रराईले बाटोको काम सम्पन्न नहुदा बर्षायाममा हिडनै मुस्किल हुने गरेको बताए । साना सवारी साधन चिप्लीएर लडने तथा हलुका चार पांग्रे सवारी समेत बर्षायाममा आवतजावतमा कठिन हुने गरेको कृृष्णगोपाल भट्रराईको भनाइ छ ।

समयमै यस तर्फ सम्वन्धीत निकायको ध्यान नजाने हो भने सरकारीलगानी वालुवामा जाने निश्चित छ ।