पाल्पा, २८ फागुन
प्रथम तानसेन महोत्सवमा आज दिउसो २ वजे देखि चर्चित आधुनिक गायक प्रमोद खरेल र लोक दोहोरी गायिका भुमिका गिरिको प्रस्तुती रहने छ । आजको मुख्य आर्कषकका रुपमा चर्चित लोक तथा हास्य कलाकार किरण चित्रका,मोडल तथा डान्सर सलिना थापा,लोक तथा दोहोरी गायक मधु परियार,आइडल उद्घोषक किरण
चित्रकार,उद्घोषक रवि रानाको प्रस्तुती रहने कलाकार संयोजक सुमित कुमार घिमिरेले जानकारी दिनु भयो ।
मेलामा रहेको स्थानिय उत्पादनका वस्तु तथा कृषि सामाग्रीहरुले थप रौनकता थपेको छ । पर्यटन र कृषिको माध्यमवाट रोजगारको पहिचान र सिर्जना तथा आन्तरिक राजश्वको प्रवद्धनका लागी तानसेन नगरपालिकाको वार्षिक नीति तथा कार्यक्रम अनुसार नगरपालिकावाट प्रथम ऐतिहासिक महोत्सव आयोजना गरिएको तानसेन नगरपालिकाका प्रवक्ता यादव सिंह कार्कीले बताउनुभयो । फागुन १९ देखि सुरू भएको महोत्सव २९ गते सम्म सञ्चालन हुनेछ ।
