पाल्पा - घरबाट बेपत्ता भएका सहवीर तीन दिनपछि भीरमा मृत अवस्थामा फेला परेका छन् । तिनाउ गाउँपालिका–६, मस्यामका ६५ वर्षीय सहवीर नेपालीको खोजतलास गर्ने क्रममा तिनाउ गाउँपालिका–५, हिउँदेखोला नजिकै भीरमा मृत अवस्थामा भेटिएको जिल्ला प्रहरी कार्यालयका सूचना अधिकारी वीरेन्द्र थापाले जानकारी दिए ।उनी शनिबारदेखि घरबाट बेपत्ता भएका थिए । सहविर केही समयदेखि हिउँदेखोलास्थित सहोदर दाजुको घरमा बस्दै आएको र शनिबारदेखि बेपत्ता भएको प्रहरीले जनाएको छ ।
बेपत्ताको खोजी गर्ने क्रममा घर नजिकैको भीरमा अड्किएको अवस्थामा शव फेला परेको प्रहरी नायब उपरीक्षक थापाले जानकारी दिए ।
घटनाको थप अनुसन्धान अघि बढाएको जिल्ला प्रहरी कार्यालयले जनाएको छ ।
