तानसेन नगरपालिकाको मुख्य आयोजनामा आज देखि प्रथम तानसेन महोत्सव सुरु भएको छ । प्रथम तानसेन महोत्सवको उद्घाटन गर्दे कानुन न्याय तथा संसदीय मामिला मन्त्री धनराज गुरुङले राजनीति दलहरूले अब विकासमा सहमति सहकार्य र एकताको भावनाले एकताबद्ध भएर लाग्नुपर्ने वताए । मन्त्रीले राजनितिक दलका नेताहरु नेपालको विकास निर्माण, गरीवी न्युनिकरण, भ्रष्टचारको अन्त्यका लागि साझाा धारण बनाएर एकले अर्कालाई खुट्टा तान्ने होईन हात तान्ने प्रवृत्तिको विकास गर्नु पर्नेमा जोड दिए । भ्रष्टचार अन्त्यका लागि वडाध्यक्ष देखि मन्त्री सम्मको सम्पत्ति छानबिन हुने बताए ।
कार्यक्रममा प्रतिनिधिसभा सदस्य ठाकुर प्रसाद गैरे, राष्ट्रियसभा सदस्य राजेन्द्रलक्ष्मी गैरे, संविधानसभा सदस्य लिला सोमै, प्रदेश सांसद वीरबहादुर राना , जिल्ला समन्वय समितिका प्रमुख टंकनाथ खनाल, प्रमुख जिल्ला अधिकारी आनन्द काफ्ले, नेपाली काँग्रेसका पाल्पाका सभापती हिमालदत्त श्रेष्ठ, नेकपा माओवादी केन्द्रका संयोजक राजेन्द्र वि।क।,राष्ट्रिय स्वतन्त्र पार्टीका उपाध्यक्ष सुमन गैरे, राप्रपाका अध्यक्ष डुलबहादुर कुवँर, नेकपा एकिकृत समाजवादीका कार्यवाहक अध्यक्ष मोहन गैरे, राष्ट्रिय जनमोर्चाका अध्यक्ष विशाल दर्लामी, नेकपा मालेका जिल्ला अध्यक्ष धनराज पौडेल र नेपाल पत्रकार महासंघका उपाध्यक्ष भरत शर्मा लगायतले तानसेन नगरपालिकाले गरेको महोत्सव सफलताको सुभकामना दिदै नारामा लेखिए अनुसारको काम महोत्सवमा गर्नुपर्ने वताएका थिए । तानसेन नगरपालिका नगर प्रमुख सन्तोषलाल श्रेष्ठले महोत्सवको बारेमा जानकारी दिदै तानसेनको विकास निर्माणको लागि महोत्सव प्रभावकारी हुने विश्वास व्यक्त गरे । उप–प्रमुख प्रतिक्षा गाहा सिंजालीको धन्यवाद ज्ञापन र नगरपालिका प्रवक्ता यादव सिंह कार्कीको सञ्चालनमा उद्घाटन कार्यक्रम भएको थियो । महोत्सवमा करीव ७० वटा झाकी र्याली निकालिएको थियो ।
जसमा भुसालडाँडा माध्यमिक विधालयल प्रथम, सेन कपितानि स्कुल द्धितिय र पाल्पा आवासीय माध्यमिक विधद्यालय तृतिय भए । ४ नं टोल विकास संस्था, धर्मोदय दशौंअवसार, साहारा कला केन्द्र, बर्तुङ्ग मगर भेजा, र जनता मा.विले सान्तवना पुरस्कार पाएका थिए। प्रथम, द्धितिय, तृतिय र सान्तवना हुनेहरुलाई क्रमस नगद ५०हजार, ३० हजार, २० हजार र पाँच पाँच हजार पुरस्कार प्रदान गरिएको थियो । तानसेन महोत्सवमा ३ सय वटा स्टल रहेका छन् भने ३ लाख दर्शकले अवलोकन गर्ने लक्ष्य लिएको व्यापार मेलामा १० करोड भन्दा बढीको कारोवार हुने अपेक्षा गरिएको तानसेन नगरपालिकाले जनाएको छ ।
