कपिल अधिकारी
बुटवल,२९ बैशाख ।
बुटवलमा भएको अन्तरपालिका स्तरीय उपमेयर कप महिला भलिबल प्रतियोगिताको उपाधि बुटवल उपमहानगरपालिकाले जितेको छ ।
शनिवार भएको फाइनल खेलमा बुटवल उपमहानगरपालिकाले तिलोत्तमा नगरपालिकालाई २५(९,२५(८ र २५(१४ को सोझो सेटमा हराउदै उपाधि हात पारेको हो ।
प्रतियोगितामा तिलोत्तमा नगरपालिका उपविजेता बनेको छ भने गैडहवा गाउपालिका तेस्रो र सुद्वोदन गाउपालिकाले सान्त्वना स्थान प्राप्त गरेको छ ।
उपाधिसँगै बुटवलले नगद ५० हजार,शिल्ड,मेडल र प्रमाणपत्र प्राप्त गरेको हो ।
उपविजेता तिलोत्तमाले नगद ३० हजार,तृतीय हुने गैडहवाले नगद २० हजार र सान्त्वना स्थान प्राप्त गरेको सुद्वोदनले नगद १० हजार प्राप्त गरेको छ ।
प्रतियोगिताका विजेता उपविजेता,तृतीय,सान्त्वना स्थान प्राप्त गर्ने पालिकाहरूलाई बुटवल उपमहानगरपालिकाका प्रमुख खेलराज पाण्डे,उपप्रमुख सावित्रा देवि अर्याल,नगर खेलकुद विकास समिति अध्यक्ष बोनिन पिया लगायतले पुरस्कार,तथा सहभागीताको प्रमाणपत्र प्रदान गरेका थिए ।
प्रतियोगितामा बुटवल सहित रूपन्देहीका ६ पालिकाको सहभागीता रहेको कार्यक्रम संयोजकसेरजंग गुरूङले जानकारी दिए ।
