प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
पाल्पा । पाल्पाको तिनाउ गाउँपालिका–३ पैठेडाँडास्थित सिद्धार्थ राजमार्गमा प्रहरीले भन्सार छली गरी ल्याइएका करिब ४ लाख ७५ हजार रुपैयाँ बराबरका सामानसहित २ जनालाई नियन्त्रणमा लिएको छ।
बुटवलबाट पोखरातर्फ जाँदै गरेको गण्डकी प्रदेश ०१-००१ ख ०१९३ नम्बरको विद्युतीय गाडी चेकजाँच गर्ने क्रममा प्रहरीले ४ सेट एसी, ८ थान टिभी, १ थान Agro Pain Reliefer र १ थान LG Barsound फेला पारेको हो।
प्रहरीले सवारी चालक स्याङ्जा वालिङ–५ का ३७ वर्षीय यामबहादुर सार्की र सामानधनी नवलपरासी पूर्व गैँडाकोट–५ स्थायी घर भई पोखरा महानगरपालिका–६ बस्ने ३७ वर्षीय दिनेश दर्जीलाई नियन्त्रणमा लिएको जनाएको छ।
बरामद सामान, सवारीसाधन नियन्त्रणमा लिइएका दुवै जनालाई आवश्यक कारबाहीका लागि भैरहवा भन्सार कार्यालय, बेलहिया रुपन्देही पठाइएको प्रहरीले जनाएको छ।
