रूपा थापा
साउन १९ तानसेन
लियो क्लब अफ पाल्पा २ को चौथो ह्यान्ड ओभर तथा अवार्ड कार्यक्रम सम्पन्न भएको छ ।
कार्यक्रमको उदघाटन गर्दै प्रमुख अतिथि एवं सांसद ठाकुरप्रसाद गैरेले आगामी दिनको नेतृत्वकर्ताले अझैं प्रभावकारी कार्यक्रम र योजना ल्याउन सुझाव दिनु भयो । मानवीय सेवाका लागि गरिने हरेक कार्यमा आफनो सहयोग रहने प्रतिबद्धता पनि जनाउनुभयो ।
लियो क्लब अफ पाल्पा २ का अध्यक्ष अशोक पोखरेलले नव अध्यक्ष बिक्रम घिमिरेलाई जिम्मेवारी हयाण्ड ओभर गर्दै थप सफलताको शुभकामना व्यक्त गर्नु भयो । विशिष्ट अतिथि लायन सुशील प्रधान श्रेष्ठले लियो क्लबले समाज सेवाको क्षेत्रमा गरेको योगदान अविस्मरणीय रहेको भन्दै सकरात्मक सोंचको विकासमा पनि मद्यत पु¥याएको उल्लेख गर्नु भयो ।
विशिष्ट अतिथि लियोका जिल्ला अध्यक्ष सर्दा कुँवरले युवाहरूले आफनो खाजा खर्चबाट दुःखी पीडितलाई सहयोग गर्दै आइरहेको बताउनुभयो । एरिया प्रमुख लायन शशी श्रेष्ठले समाजको रूपान्तरण गर्नको लागि लियो क्लबको आवश्यकतामा जोड दिनु भयो । लियो सुजित थापा क्षेत्रीले सञ्चालन गर्नुभएको कार्यक्रममा अतिथिहरू लियो श्रीधर बस्याल, लियो सन्जीव सुनार, लियो केशव पाण्डे, लियो सुनिल कुँवरले शुभकामना मन्तव्य दिनुभएको थियो । दोस्रो चरणको कार्यक्रम सञ्चालन लियो सचिव अजय कार्कीले गर्नुभएको थियो भने कार्यक्रम संयोजकका रुपमा लियो मेघराज बस्याल रहनु भएको थियो । कार्यक्रम समापन पश्चात तानसेन नगरपालिका नीलसागरमा लगेर खाजा वितरण गरिएको थियो ।
