रूकुम पश्चिम मध्यपहाडी लोकमार्गअन्तर्गत रूकुम खण्डको गोइरीज्युलामा जिप दुर्घटना हुँदा २२ जना घाइते भएका छन् । चौरजहारी नगरपालिका १०, खोलागाउँबाट जिल्ला सदरमुकाम खलंगातर्फ आइरहेको लु १ ज २२९७ नम्बरको जिप चौरजहारी ८ मा दुर्घटनामा परेको प्रहरीले बताएको छ।जिल्ला प्रहरी कार्यालय रूकुम पश्चिमका प्रमुख डीएसपी नमराज भट्टराईका अनुसार घाइते २२ मध्ये ७ जनाको अवस्था गम्भीर छ ।
घाइतेहरूको चौरजहारी अस्पतालमा उपचार भइरहेको र दुर्घटनाको विस्तृत विवरण आउन बाँकी रहेको भट्टराईले बताए।
