अर्घाखाँची दुर्घटना पछील्लो अपडेट : दुई जनाको मृत्यु ,३३ घाइते मध्ये ९ जना गम्भिर

अर्घाखाँची । अर्घाखाँचीको भूमिकास्थान नगरपालिकास्थित जयठाटीमा देउसी भैलो खेलिरहेकालाई बसले ठक्कर दिदा २ जनाको मृत्यु भएको छ । सोमवार भूमिकास्थान नगरपालिकाको वडा नं ५ र ६ को सिमाना पर्ने जयठाटीमा साँझ ५ बजेतिर बसको ब्रेकफेल हुदा देउसीभैलो खेलीरहेकाहरुलाई एक्कासी ठक्कर दिदा सो घटना घटेको हो । घटनामा ३३ जना घाइते भएका छन् । ३३ घाइते मध्ये ९ जना गम्भिर घाइतेहरुलाई बुटवल रेफर गरेको जिल्ला प्रहरी कार्यालय अर्घाखाँचीले जनाएको छ।

देउसी भैलो खेलिरहेको स्थानमा ना ३ ख २४७१ नं को बसको ठक्करबाट एकजनाको घटनास्थलमै र एकजनाको उपचारको क्रममा मृत्यु भएको हो ।

बसले देउसी भैलो खेलिरहेकाहरूलाई ठक्कर दिएकामा एक महिलाको घटनास्थलमै मृत्यु भएको र अर्घाखाँची अस्पतालमा उपचारका क्रममा मृत्यु भएको बताइएको प्रहरीले जनाएको हो ।