पाल्पा। गायक तथा पत्रकार रामप्रसाद पाठक र गायिका राधिका हमालको स्वरमा सजिएको तीज गीत ‘अब त लाहुरे आउँछ’ सार्वजनिक भएको छ। तीज पर्वलाई लक्षित गरी तयार पारिएको उक्त गीत यमन खनाल युट्युब च्यानलमार्फत विश्वभर सार्वजनिक गरिएको हो।
गायक रामप्रसाद पाठककै लय रहेको गीतमा पाठक र विक्रम अधिकारीको शब्द रहेको छ। गीतको संगीत संयोजन कृष्ण केसीले गरेका छन् भने रेकर्डिङ, मिक्सिङ तथा मास्टरिङ हेमराज डाँगीले गरेका हुन्।
गीतको भिडियोमा यमन खनाल, जुना कार्की, सन्दीप मगर र रिया सुनारको मुख्य अभिनय रहेको छ।
चाडपर्वको समयमा विदेशमा रहेका लाहुरेको प्रतीक्षामा बसेकी लाहुरेनी र बिदा मिलाएर घर फर्किने लाहुरेको प्रतिबद्धतालाई गीतमा प्रस्तुत गरिएको छ। प्रेम, प्रतीक्षा र पारिवारिक भावनालाई समेटिएको उक्त गीत महक रेकर्डिङ स्टुडियोमा रेकर्ड गरिएको हो।
‘अब त लाहुरे आउँछ’ रामप्रसाद पाठक र विक्रम अधिकारीको संयुक्त प्रस्तुति हो।
